Atif22
Web Master
Age : 29
Join date : 28/09/2008
Numri i postimeve : 258
Location : prishtina
|
Titulli: Xhenoa ndalon Interin, Milani “fluturon” Tue Oct 28, 2008 12:23 pm |
|
|
Në krye të renditjes përveç zikaltërve janë edhe Napoli, që mundi Lacion dhe Udineze që gjunjëzoi Romën
Udineze dhe Napoli kanë mposhtur dy ekipet romane dhe falë barazimit të Interit, në Sa Siro kundër Xhenoas me dhjetë veta, i janë bashkuar kampionëve të Italisë në fuqi në majën e renditjes të serisë A. Në takimet e mesditës të javës së tetë Udineze e ka përkeqsuar krizën e Romës duke i mundur verdhekuqtë me shifrat 3-1 në Friuli, në përfundim të një ndeshjeje ku miqtë kanë polemizuar shumë me gjyqtarin e takimit , ndërsa në Romë Napoli ka thyer Lacion me rezultatin 1-0 falë një autogoli të Sebastiano Siviljas në pjesën e dytë.
Falë këtyre fitoreve Udineze dhe Napoli kanë kapur Interin në kreun e tabelës me 17 pikë. Zikaltërit, edhe pse gjysëm-orëshin e fundit të takimit kanë luajtur me një lojtar më shumë, nuk kanë arritur të mposhtin Xhenoan duke e mbyllur takimin 0-0. Treshja e pazakonshme e kreut udhëheq me vetëm një pikë avantazh ndaj Milanit, që ka arritur të fitoj në Bergamo 1-0 ndaj Atalantës me një gol nga Rikardo Kaka. Katania, e cila dje ka barazuar 1-1 me Sienën, ka kaluar në vendin e pestë me 15 pikë duke lënë pas, një pikë larg, Lacion, Xhenoan dhe Atalantën.
INTER - Interi dhe Xhenoa kanë barazuar 0-0 në stadiumin Meaca. Interi i është afruar golit në minutën e 59-të pas një traverse të goditur nga një kros i Maikonit, që është të devijuar nga një mbrojtës, më pas kuqeblutë janë gjendur me dhjetë lojtar një minut më vonë si pasojë e kartonit të dytë të marrë nga Juriç pas një faulli në dëm të Balotelit.
MILAN - Milani ka fituar 1-0 në fushën e Atalantës në stadiumin “Atleti Azzurri d’Italia” të Bergamos. Goli i vetëm i takimit është shënuar nga Kaka në minutën e 80-të. Kështu Atalanta mbetet e palëvizur në kuotën e 13 pikëve.
UDINEZE - Udineze ka mundur Romën 3-1. Mbi fushën e blertë të Friulit, Di Natale ka zhbllokuar rezultatin me anë të një penalltie në minutën e 10-të të pjesës së parë. Në të 22-ën ka ardhur dyfishimi nga Floro Flores dhe në pjesën e dytë, pas një rasti të pastër të humbur nga Sisinjo, ka qenë sërish Di Natale që ka shënuar golin e tij të dytë të ndeshjes në minutën e 51-të.
Në të 74-n gjyqtari i ka dhënë një 11 metërsh verdhekuqve pas një faulli të Handanoviç ndaj Brigit. Toti nuk gabon dhe fikson shifrat në 3-1. Me këtë fitore Udineze ngjitet në kuotën e 17 pikëve, në krye të renditjes, ndërsa Roma ndalet në kuotën e 7 pikëve.
NAPOLI - Napoli ka dalë fitimtar nga Olimpiko dhe ka mundur Lacion me shifrat 1-0. Në pjesën e parë miqtë kanë qenë shumë afër golit në minutën e 44-t me anë të një goditjeje dënimi nga Gargano, me topin që është ndalur tek traversa. Ndërkohë që avantazhi ka ardhur në minutën e 61-të me një autogol të Siviljas pas krosimit të Lavecit. Kur kishin mbetur vetëm katër minuta nga fundit Lacio ka qenë e pafat me Pandev, i cili ka goditur traversën vetëm dy metra larg portës.
TE TJERAT - Sampdoria ka mundur Bolonjën 2-0. Në stadiumin “Luixhi Ferraris” zotët e shtëpisë kanë gjetur avantazhin me Delvekion në minutën e 63-të tëpjesësë së dytë, ndërsa në të 74-n Beluci ka dyfishuar duke mbyllur takimin. Kaljari ka mundur Kievon 2-0 në fushën e tij. Sardët kanë marrë tre pikët falë golave të Akuafreskës në minutën e 30-të të pjesësë së parë dhe Finit në të 54-n e të dytës. Falë këtij suksesi Kaljari ka dalë nga zona e funit të renditjes dhe ngjitet në kuotën e shtatë pikëve, ndërsa Kievo ndodhet në vendn e tretë nga fundi me gjashtë pikë.
Golashënuesit 6 gola: Xhilardino (Fiorentina), Zarate (Lacio). 5 gola: Milito (Xhenoa), Ibrahimoviç (Inter), Amauri (Juventus), Mikoli (Palermo. 4 gola: Pandev (Lacio), Hamsik (Napoli), Di Natale (Udineze). 3 gola: Flokari (Atalanta), Di Vaio (Bolonja), Maskara (Katania), Paoluçi (Katania), Ronaldinjo (Milan), Korradi (Rexhina), Kualiarela (Udineze).
Seria A, java e 9 të Të mërkurën, 29 tetor Bolonja - Juventus (20:30) Katania - Udineze Kievo - Lacio Fiorentina - Inter Xhenoa - Kaljari Leçe - Palermo Milan - Siena Napoli - Rexhina Roma - Sampdoria Torino - Atalanta |
|