Atif22
Web Master
Age : 29
Join date : 28/09/2008
Numri i postimeve : 258
Location : prishtina
|
Titulli: Kaka: Falënderoj Borrielon për golin Tue Oct 28, 2008 12:25 pm |
|
|
Ndërkohë trajneri Ançeloti pranon se fitorja në Bergamo erdhi me vuajtje
Karlo Ançeloti është i kënaqur për fitoren e Milanit ndaj Atalantës. Trajneri kuqezi gjen vend për optimizëm pas fitores 1-0 në Bergamo: “Në momente të tjera këtë ndeshje do ta kishim humbur. Skuadra tregoi se ka cilësi në aspektin tekniko-moral. Atalanta luajti më mirë se ne dhe humbja është një rezultat që nuk e meriton.
Ne vuajtëm, sepse u lodhëm duke luajtur në mënyrën tonë. Në pjesën e parë kishim pak frikë, ndërsa në pjesën e dytë zbritëm në fushë më të karikuar dhe përfituam nga rënie e Atalantës.” Rendimenti i Milanit mes ndeshjeve në “San Siro” dhe jashtë fushe ndryshon shumë. “Rendimenti i disa lojtarëve, si Ronaldinjo, ndryshon, sepse është ndryshe e gjithë paraqitja e skuadrës, - vëren trajneri kuqezi.
Larg shtëpisë jemi më të kujdesshëm dhe ky është një aspekt ku duhet të punojmë.” Në fund një mendim për Bekhamin: “Ka qenë një anësor i djathtë i madh, por tani e ka humbur disi shpejtësinë. Mendoj që me ne mund të luajë në qendër të fushës, sepse ka një teknikë të mirë. Në sistemin tonë të lojës mund të përshtate shumë mirë.”
Rikardo Kaka ishte njeriu i ndeshjes në Bergamo. Falë golit të tij MIlani mori tri pikë të rëndësishme dhe skuadra e Ançelotit është një pikë larg kreut. Kaka është entuziazt: “Ishte një gol që po e kërkonim dhe ia arritëm, pas një aksioni të bukur të ndërtuar nga Borrielo, që ishte i zoti duke më shërbyer. Po kërkojmë zgjidhje të reja në fushë për t’u bërë gjithnjë e më të paparashikueshëm.
Në Bergamo nuk ishte e lehtë të fitonim, por ia arritëm, sepse jemi në formë dhe kemi shumë entuziazëm: momenti i vështirë në fillim të sezonit kaloi. Tani duhet të vazhdojmë kështu, sepse cilësinë e arritëm dhe duhet të synojmë gjithnjë e më lart. Nuk jemi skuadra anti-Inter, ka edhe ekipe të tjera që mund t’i vënë në rrezik zikaltrit. Ne po ngjitemi.” |
|