Pepe: Jemi duke gjetur ritmin e lojës

Titulli: Pepe: Jemi duke gjetur ritmin e lojës Sun Sep 28, 2008 7:42 pm

Pas fitores së të shtunës të Real Madridit kundër Betisit me rezultat 2-1, Pepe ka pohuar se skuadra e tij kishte luftuar shumë për t’i fituar tre pikët, edhe pse kishte luajtur me një lojtar më pak gjatë kohës më të madhe të pjesës së dytë.

“E kemi kontrolluar mirë ndeshjen dhe arritëm të shënojmë në minutën e fundit. Kjo tregon shumëçka. Fundi ishte pozitiv për neve dhe tregoi se po luajmë mirë dhe po mundohemi së bashku për të pasur sukses. Kjo është shumë e rëndësishme”.

“Futbolli që luajmë ne është gjithmonë në progres. Dalëngadalë po e gjejmë ritmin e lojës. Është vetëm java e pestë. Duhet të mendojmë për ndeshjen kundër Zenitit me një qetësi të cilën e kemi krijuar gjatë këtyre fitoreve”.

“Kemi një skuadër të madhe, ndërsa personalisht dëshiroj që vazhdimisht t’i ndihmoj skuadrës, kuptohet, me vendim të trajnerit”, ka thënë mbrojtësi brazilian.