Schuster mund të largohet në fund të sezonit

Bernd Schuster nuk do ta vazhdojë punën si trajner i Real Madridit më shumë se deri në fund të këtij sezoni, pasi që ai nuk mund ta durojë ndërhyrjen e Ramon Calderon dhe Predrag Mijatovicit.

Sipas “Sport”, gjermani ishte dashur të largohej nga Mbretërit që në fund të sezonit të kaluar, megjithatë ai e vazhdoi kontratën edhe për dy vite të radhës, por si duket fituesi i La Ligas do ta mbyllë më herët bashkëpunimin me madrilenët.

Presidenti Calderon dhe drejtori sportiv, Predrag Mijatovic, janë dy pengesat kryesore të Schuster, të cilët i përzihen në punën e ish-trajnerit të Getafes.

Nëse situata vazhdon të jetë e ngjashme edhe më tutje, gjithmonë sipas “Sport”, Schuster nuk do të jetë edhe për një vit tjetër në drejtimin e Los Merengues.