Liga e Kampionëve: Humbësit

Titulli: Liga e Kampionëve: Humbësit Fri Oct 03, 2008 10:25 pm

Ditë më parë sollëm tek ju “fituesit” e Ligës së Kampionëve, pesë lojtarët që angazhohen në klubet britanike, e që shkëlqyen në ndeshjet e para të fazës grupore të Ligës së Kampionëve. Kësaj here do të sjellim pesë “humësit” të përzgjedhur nga Eurosport, ku bëjnë pjesë edhe Cesc Fabregas dhe Fernando Torres.

Humbësit britanikë

Nicolas Anelka

Sulmuesi francez i Chelseaat, ndoshta gjeti rrjetën kundërshtare dhe u shënua në listën e golashënuesve, por megjithatë humbi një varg shansesh të tjera, në ndeshjen ndaj Bordeaux.

Jamie Carragher

Carragher nuk pati ndonjë lojë të keqe, por së pari nuk arriti të ndalojë Canën në golin e parë të Marseillet, duke tentuar ta lërë jashtë loje dhe të njëjtin gabim e bëri edhe në pjesë të dytë, por që u përmirësua nga Pepe Reina kësaj here.

Fernando Torres

Sulmuesi pati një ndeshje të qetë dhe larg nga standardet e tij të larta, duke u izoluar mirë nga lojtarët francezë, si dhe duke humbur disa raste të mira shënimi.

Barry Robson

Një lojë e ashpër dhe mbase e papjekur, por humbja e penaltisë kundër Aalborg, mund t’i kushtojë Celticut edhe me ngecje që në fazën grupore të Ligës së Kampionëve.

Cesc Fabregas

Zakonisht lojtari më i mirë i Arsenalit, Cesc ishte larg shkëlqimit të tij në ndeshjen në Kiev, duke mos arritur të kryejë si duhet detyrën e tij në mesfushë.