Klose ia siguron fitoren Bayernit

Titulli: Klose ia siguron fitoren Bayernit Sun Oct 19, 2008 12:04 pm

Sulmuesi gjerman Miroslav Klose ia ka siguruar tre pikët e arta Bayernit në ndeshjen e sotme ne udhëtim kundër Karslruhes.

Bayerni ka edhe shumë të bëjë në përmirësimin e gjendjes në skuadër dhe në tabelë, mirëpo tre pikët e reja janë një lehtësim për trajnerin Jurgen Klinsman, i cili nuk është treguar i suksesshëm në këtë fillimsezoni.

Bavarezët shënuan fitore të rëndësishme në udhëtim me golin e Kloses të shënuar në minutat e fundit të ndeshjes (86’) pas një krosimi të papërshtatshëm të mbrojtësit të huazuar nga Milani, Massimo Oddo.

Bayer Leverkusen ka shënuar fitore në udhëtim kundër Frankfurtit me rezultat 2-0, me golat e Helmes nga penalltia në fillim të ndeshjes (8’) dhe një gol i shënuar nga Vidal (61’) që shuan shpresat e vendasve.

Skuadrat e shqiptarëve, Altin Lala dhe Ervin Skela, Hannover dhe Energie Cottbus, respektivisht, kanë pësuar humbjet e radhës.

Hannoveri ka humbur në shtëpi nga Hoffenheimi me rezultat 2-5, ndërsa Cottbusi i Skelës ka pësuar nga FC Cologne në udhëtim me rezultat minimal, 1-0.

Werderi ka barazuar 3-3 kundër Borussia Dortmundit, ndërsa Sttutgarti ka humbur nga Hertha e Berlinit me rezultat 2-1.