Ballardini: Ndeshja kundër Juves më e vështira

Trajneri i Palermos, Davide Ballardini, ka deklaruar se takimi i të dielës kundër Juventusit është testi më i vështirë për skuadrën e tij.

“Juventusi është testi ynë më i vështirë, mirëpo ne do të luajmë për fitore. Juventusi është një skuadër e madhe me shumë suksese”.

“Unë kam qenë një tifoz i Zonjës së Vjetër sa isha i ri, ndërsa stili i Juves ene mbetet një objektiv për mua”.

“Lojtarëve të Palermos u mungon shumë Amauri, i cili do të jetë kundërshtar i tyre të dielën. Ndërsa duhet të mbrohemi nga shumë lojtarë, sepse Amauri nuk është rreziku i vetëm”, ka përfunduar Ballardini.