Atif22
Web Master
Age : 29
Join date : 28/09/2008
Numri i postimeve : 258
Location : prishtina
|
Titulli: Fiorentina, Atalanta dhe Udinese shënojnë fitore Sun Oct 05, 2008 6:32 pm |
|
|
Skuadra e Fiorentinës ka shënuar gol në udhëtim kundër skuadrës së inkuadruar rishtas këtë sezon në elitën italiane të futbollit, Chievo.
Viola krijoi epërsinë që në pjesën e parë të ndeshjes (32’) me golin e Kuzmanovic.
Vetëm pesë minuta pas marrjes së golit, Chievo mbeti me një lojtar më pak në ndeshje, pasi që Scardina u largua nga loja me karton të kuq.
Ky përjashtim ia lehtësoi punët edhe më shumë skuadrës së Prandellit, e cila shënoi edhe golin e qetësisë në pjesën e dytë (74’), me anë të sulmuesit të rikthyer në formë, Alberto Gilardino.
Sulmuesi i Kombëtares Shqiptare, Erjon Bogdani, u inkuadrua në lojë nga minuta e 70 në vend të Langellas, mirëpo as ai nuk arrit të bëjë asgjë kundër skuadrës së fuqishme të Fiorentinës.
Takimi ndërmjet Atalantës dhe Sampdorias ishte takimi me më shumë gola që u zhvillua sot në Serie A, në të cilin u panë gjithsej gjashtë gola.
Edhe pse Atalanta u gjet në disavantazh prej një goli që në fillim të ndeshjes (6’), vendasit arritën të përmbysin gjithçka duke fituar ndeshjen me rezultat 4-2, me golat e Floccarit (35’ dhe 77’), Garics (39’) dhe Doni (83’). Dy golat për Sampdoian i shënoi Antonio Cassano (6’ dhe, 56’ nga penalltia).
Edhe Genoa ka përmbysur avantazhin e Napolit, pas golit në minutën e parë nga Lavezzi, duke fituar ndeshjen me rezultat 3-2, me golat e Papastathopoulos (44’), Palladino (52’) dhe Milito (73’), golin e dytë për Napolin e shënoi Denis (75’). Në këtë ndeshje u panë edhe dy kartonë të kuq, nga një te secila skuadër.
Fitore ka shënuar edhe Udinese me rezultat 2-0, kundër Torinos, me dygolëshin e Quagliarellas (44’ dhe 76’). Ndërsa Reggina dhe Catania kanë barazuar 1-1. |
|