Rooney në dyshim për ndeshjen e fundjavës

Titulli: Rooney në dyshim për ndeshjen e fundjavës Fri Oct 03, 2008 10:33 pm

Sulmuesi i Manchester Unitedit, Wayne Rooney, është në dyshim për të marrë pjesë në ndeshjen e vikendit kundër Balckburn Rovers, mirëpo do të jetë i gatshëm për ndeshjen e radhës të cilën e zhvillon Anglia për kualifikimet Botërore.

Rooney u largua nga ndeshja e Manchester Unitedit kundër Aalborgut në takimin e mesjavës në kuadër të Ligës së Kampionëve, ndërsa klubi ka konfirmuar me anë të një deklarate se sulmuesi do të jetë në dyshim këtë javë si pasojë e lëndimit të gjurit.

United do të luajë kundër Blackburn Rovers të shtunën, ndërsa sipas të gjitha gjasave ai nuk do të përfshihet në listën e lojtarëve të Ferguson.

Ndërkohë që Fabio Capello shpreson që Rooney të rikuperohet në kohë për t’u përfshirë në kualifikimet e Anglisë për Kampionatin e ardhshëm Botëror, Afrika 2010.