Atif22
Web Master
Age : 29
Join date : 28/09/2008
Numri i postimeve : 258
Location : prishtina
|
Titulli: Serie A: Kryeqytetasit shënojnë fitore Sun Sep 28, 2008 7:34 pm |
|
|
Në takimet e sotme të Serie A, Roma ka arritur të shënojë fitore në Olimpico kundër Atalantës, derisa fitore ka shënuar edhe Lazio në udhëtim tek Torino duke u ngjitur në vendin e parë në tabelë.
Dy gola në pjesën e parë e kanë larguar paksa presionin mbi skuadrën e Spallettit. Golin e parë në ndeshje e shënoi mbrojtësi veteran Christian Panucci (17’), ndërsa rezultatin e dyfishoi Mirko Vucinic (31’).
Skuadra tjetër nga kryeqyteti, Lazio, ka shënuar fitore të rëndësishme kundër Torinos në udhëtim, me rezultat 3-1.
Golin e parë për biancocelestët e shënoi sulmuesi maqedonas, Goran Pandev (30’). Pastaj një dy golash i sulmuesit më në formë në Serie A, Mauro Zarate, brenda 20 minutash (63’ dhe 83’- nga penalltia), i siguruan Lazios vendin e parë në tabelë.
Në këtë ndeshje pёr Torinon nga minuta e parë u inkuadrua edhe mesfushori shqiptar nga Maqedonia, Blerim Xhemajli i cili shfaqi një lojë mjaft të mirë pavarësisht humbjes së skuadrës së tij, duke siguruar edhe penaltinë, e cila u shndёrrua nё gol nga Amouroso.
Xhemaili u ndëshkua me karton tё verdhё nё minutën e 41-tё, nё ndeshjen e cila pati njё fund dramatik, ku u përjashtuan dy lojtarё tё vendasve; sё pari portieri Sereni direkt me karton tё kuq (83’), ndërsa mё pastaj edhe Pratali pёr shkak tё dy kartonëve tё verdhё (88’).
Tri ndeshje tё tjera kanë përfunduar me fitore minimale 1-0: Napoli ka mposhtur Bolognan në udhëtim, Catania ka fituar ndaj Chievos së Erjon Bogdanit, ndërsa Palermo ka fituar ndaj Regginas. Ndërkohë, Udinese ka vazhduar me formën e mirë në shtëpi duke fituar 2-1 kundër Sienas. |
|