Atif22
Web Master
Age : 29
Join date : 28/09/2008
Numri i postimeve : 258
Location : prishtina
|
Titulli: Ançeloti: Dinjos i dhashë unë leje për në disko Wed Oct 29, 2008 9:22 pm |
|
|
Trajneri i Milanit mbyll polemikat për brazilianin dhe ëndërron: Të dielën mund të dalim në krye!
Në shtëpinë e Interit dalja në mbrëmje vonë e Adrianos ka inatosur Hoze Mourinjon, që nuk e grumbulloi brazilianit për ndeshjen e sotme në Firence. Ndërkohë, në Milanelo ekziston një atmosferë krejt tjetër, ku mbrëmja në diskotekë e Ronaldinjos është motiv i batutave plot shaka. “U kthye me vonesë? Në ç’orë? Në 4? Duket që paska shkuar në një vend ku nuk është ndjerë mirë, - tha Ançeloti, duke qeshur, - sepse i kisha dhënë unë leje të qëndronte jashtë deri në orën 5…”
Në të vërtetë, Ronaldinjo nuk e ka tepruar as me shampanjë dhe ndonjë pije alkoolike, por vetëm me ujë. Me të ishte edhe braziliani i Interit, Adrianos, që edhe pse shkoi me përpikmëri në stërvitje, Mourinjo nuk ia fali fakin që kishte qenë në disko deri vonë. Pra, trajneri i Milanit nuk duket absolutisht i shqetësuar nga burimet mbi jetën e natës së Ronaldinjos.
Ylli brazilian, sipas disa zërave, të dielën pas ndeshjes me Atalantën paska qëndruar deri në orët e para të mëngjesit në një diskotekë të Milanos. “Të dielën mund të bëjë çfarë të dojë, nuk jam tutori i tij,” - ka replikuar Ançeloti. Pastaj, duke u kthyer të flasë për ndeshjen ndaj Sienës sot dhe asaj me Napolin të dielën, trajneri kuqezi shpjegon: “Kemi mundësinë të dalim në krye të renditjes me këto dy ndeshje, pa dyshim që duhet të barazojë edhe Interi në Firence, ose të shtunën në Rexhio Kalabria”.
Duke folur për ndeshjen në Bergamo, trajneri nënvizoi se “karakteristikat e skuadrës kanë ndryshuar, ka më pak cilësi në mesfushë, por më shumë vendosmëri, - tha ai, duke iu referuar mungesave të Pirlos e Sedorfit. - Skuadra tani është më e fortë, më këmbëngulëse, aspak e ngadaltë dhe e thyeshme në këtë repart. Titulli? Nuk është ndonjë fiksim, ose një peshë, por një objektiv dhe stimul. E them, sepse skuadra është në gjendje ta fitojë.” GALIANI DHE INTERI - Nëse për Masimo Moratin është Milani, skuadra anti-Inter për Adriano Galianin duhet të pritet edhe pak ditë për ta thënë. Motivi shpjegohet shpejt: forma e Napolit ka befasuar edhe administratorin e deleguar kuqezi, duke konsideruar që të dielën në “San Siro” do të vijë për vizitë pikërisht skuadra e Edi Rejës… “Anti-Inter? Jua them të dielën, orën në 22:30; mund të mos jetë as Milani, - tha Galiani, duke lëvdëruar klubin e De Laurentisit.
- Një grup me një projekt të qartë dhe një klub me histori të madhe: jua kujtoj të gjithëve se Milani e fitoi titullin e parë 20 vite më parë, pikërisht duke luftuar me Napolin e Maradonës…” Drejtusi i “Djallit” pastaj u përpoq të shpjegojë sërish “misionin kuqezi”. “Milani është skuadra e vetme në botë që ka një baba dhe një djalë që kanë ngritur në qiell Kupën e Kampioneve si kapitenë.
Po ashtu, kemi shumë shembuj besnikërie. Ndienjat te ne janë thelbësore, por marketingu vlen në të gjitha format e komunikimit. Një skuadër futbolli është qendër komunikimi: na pëlqen t’i përziejmë këto dy gjëra, kështu jemi bërë…” |
|