Atif22
Web Master
Age : 29
Join date : 28/09/2008
Numri i postimeve : 258
Location : prishtina
|
Titulli: Bekham, në një lagje me “drita të kuqe” Wed Oct 29, 2008 9:19 pm |
|
|
Sipas shtypit anglez, mesfushori paska zgjedhur një shtëpi në Milano afër zonës së “gay”-ve e prostitutave
Duhen më shumë se dy muaj nga ardhja e tij në Milano, në spondën kuqezi, por Devid Bekham po e tërheq që tani vëmendjen, dhe jo vetëm të tifozëve të futbollit. Argumenti i ditës është zgjedhja e shtëpisë nga ana e kampionit anglez, në pritje të zbarkimit në janar të vitit që vjen.
Sipas gazetës britanike “The Sun”, për muajt e tij në Milano, “Spice Boy” ka zgjedhur të jetojë në “një apartament luksoz, një hap larg një lagjeje me drita të kuqe”. Kështu, të paktën e përshkruan tabloidi anglez zonën në rrethinat e rrugës “Amadeo d’Aosta”, ku Beksi do të jetojë, me sa duket, i këshilluar edhe nga kapiteni Maldini, që jeton jo larg kësaj zone. “Ajo zonë është e famshme për prostitutat dhe homoseksualët, - shkruan “The Sun”, - hajdutët dhe shpërndarësit e drogës. Konsiderohet një nga zonat më të rrezikshme të Milanos.”
Një gjykim që mbështetet edhe nga një bashkëkombas i yllit anglez, Majkëll Dei, 39 vjeç, banues në Milano. “Zgjedhja e Bekhamit është vërtet e sikletshme, sepse ajo është një zonë me prostituta dhe të droguar. Një situatë që i shqetëson edhe banorët e zonës, aq sa shpesh ata janë ankuar duke thirrur gjithnjë edhe policinë.”
Ndoshta, por është e vështirë që një si Bekhami të mos jetë këshilluar mirë dhe faqja e parë e “Sun”-it (me fotomontazhin dhe titullin e nxehtë: Bekham ka blerë një shtëpi pranë dritave të kuqe), duket disi e tepruar. Ndërkohë, ai që mendonte se Devidi do të gjente një shtëpi në zonën “Quadrilatero”, edhe për të kënaqur bashkëshorten Viktoria, si dhe pasionin e saj për psonisjen, ka mbetur i zhgënjyer.
Nga apartamenti tek avioni privat prej 7 milionë sterlinash (më shumë se 8,7 milionë euro), për të fluturuar nga njëra anë te krahu tjetër i Atlantikut. Sipas asaj që shkruante dje “Daily Star”, futbollisti i ardhshëm i Milanit i paska hedhur sytë te një avion shumë luksoz, “Bombardier Learjet”, me të cilin do të udhëtojë mes përkushtimeve kuqezi dhe mënyrës për të qëndruar sa më pranë familjes, duke parë që e gruaja dhe tri fëmijët (Bruklin, Romeo e Kruz) do të qëndrojnë në vilën e “Beverly Hills”-it, zyrtarisht për çështjen e shkollës së fëmijëve. |
|