Atif22
Web Master
Age : 29
Join date : 28/09/2008
Numri i postimeve : 258
Location : prishtina
|
Titulli: Ronaldinho në stol kundër Heerenveenit Wed Oct 22, 2008 6:35 pm |
|
|
Trajneri i Milanit Carlo Ancellotti e ka paralajmëruar skuadrën e tij të jetë e kujdesshme në ndeshjen e të enjtes mbrëma në kuadër të Kupës UEFA në Groningen kundër Heerenveenit, dhe ka njoftuar se Ronaldinho do ta fillojë ndeshjen nga banka e rezervistëve.
“Heerenveeni është një skuadër e fuqishme. Së fundmi ata e kanë mposhtur Vittoria Setubalin me rezultat 5-2, dhe po ashtu kanë fituar edhe kundër Ajaxit”.
“Ata janë një skuadër nga e cila duhet të kesh frikë. Ata nuk kanë shumë përvojë, mirëpo janë shumë të mirë në fushë”.
“Ne po kalojmë në një fazë shumë të mirë dhe në secilën lojë duhet ta gjejmë rrugën e fitores. Jam i lumtur se në secilën ndeshjen jemi gjithnjë e më të mirë”.
“Dëshiroj ta ndërroj formacionin në ndeshjen e të enjtes, me gjithë respektin që kam për lojtarët që luajtën kundër Sampdorias. Do të luajnë lojtarët të cilët kanë pushuar. Ronaldinho nuk do të luajë nga minuta e parë, ndërsa do të fillojnë Inzaghi dhe Shevchenko”.
“Qëllimi ynë kryesor mbetet Scudetto, ndërsa Kupa UEFA është në plan të dytë dhe dëshirojmë ta fitojmë pasi që është një trofe të cilin nuk e kemi fituar më parë”, ka përfunduar deklaratën e tij Ancellotti pas arritjes në Holandë. |
|