Atif22
Web Master
Age : 29
Join date : 28/09/2008
Numri i postimeve : 258
Location : prishtina
|
Titulli: Maradona kandidat për postin e përzgjedhësit të Argjentinës Sun Oct 19, 2008 12:11 pm |
|
|
Legjenda e futbollit argjentinas, Diego Maradona, beson se i ka kualitetet e duhura për të qenë udhëheqës i kombëtares.
Maradona është në mesin e kandidatëve për të pasuar përzgjedhësin e larguar Alfio Basile, i cili dha dorëheqje pas humbjes në Kili.
Kjo ide sigurisht se do të përkrahet nga shumë adhurues, por ish-lojtari i Napolit do të ketë një konkurrencë nga përzgjedhësi i kombëtares U-21, Sergio Batista.
“Ndjehem i përgatitur për ta marrë nën drejtim përfaqësuesen e sendorëve, dhe jam i bindur se mund ta kryejë mirë detyrën”, ka thënë Batista, i cili këtë verë i solli Argjentinës medaljen e artë nga Olimpiada në Pekin.
“Kush nuk dëshiron të jetë përzgjedhës? Kjo për mua do të ishte nder. Ndoshta unë jam i fundit në gjasat e bastoreve, por pa dyshim jam zgjidhja numër 1 për të gjithë argjentinasit”, ka thënë Maradona.
Krahas Maradonës dhe Batistas, në mesin e kandidatëve janë edhe trajneri i San Lorenzo, Angel Russo, si dhe ish-lojtari i Interit dhe trajneri aktual i River Plate, Diego Simeone. |
|