Gullit: Ancelotti është në nivel të njëjtë me Ferguson dhe Wenger

Ish-lojari i rosonerëve, holandezi Ruud Gullit, thotë se Carlo Ancelotti është personi i duhur për Milanin.

Gullit ka luajtur krahas Ancelottit në vitet e vonshme të 80-tave, dhe thotë se trajneri aktual i Milanit është në të njëjtin nivel me dy trajnerët e Premierligës, Alex Ferguson dhe Arsen Wenger.

Rosonerët kanë një fillim të dobët të sezonit në të cilin pësuan dy humbje pas secilës u çua shumë pluhur për të ardhmen e trajnerit, por Gullit beson se Ancelotti është personi i duhur për Milanin.

“Carlo Ancelotti është një person perfekt për pozitën e trajnerit të Milanit. Ai është një taktik i shkëlqyeshëm. Ai është në të njëjtin nivel sikurse edhe Alex Ferguson dhe Arsen Wenger”, ka thënë holandezi.

Milani në ndeshjen e djeshme miqësore ndaj Tiranës, ka pësuar edhe një humbje, duke u mposhtur me rezultat 2-1 në Qemal Stafa.